Abstract
Cho‘yan qotishmalaridagi g‘ovaklilik asosan gazlarning ajralib chiqishi, metallning notekis kristallanishi va quyma hajmida oziqlanish jarayonining yetarli bo‘lmasligi bilan bog‘liq. Amaliy laboratoriya kuzatuvlariga ko‘ra, sanoat korxonalarida brak mahsulotlarning qariyb 30–40 % qismi aynan ichki g‘ovaklilik tufayli yuzaga keladi. Ayniqsa, yuqori xromli oq cho‘yanlarda karbid fazalarning ortiqcha miqdori metall oqimining harakatchanligini pasaytirib, mikrog‘ovaklarning paydo bo‘lishiga sabab bo‘ladi.