Abstract
Mazkur ilmiy maqolada O‘zbekiston iqtisodiyotiga xorijiy brendlarni jalb qilishning iqtisodiy va institutsional asoslari chuqur tahlil qilinadi. Xorijiy brendlarning mamlakat bozoriga kirib kelishi raqobat muhitini kuchaytirish, mahsulot va xizmatlar sifatini oshirish, yangi texnologiyalarni joriy etish hamda bandlikni kengaytirishda muhim omil hisoblanadi. Tadqiqotda xorijiy brendlar uchun investitsion muhit, huquqiy-me’yoriy baza, davlat tomonidan qo‘llab-quvvatlash mexanizmlari va institutsional infratuzilmaning roli o‘rganiladi. Shuningdek, xalqaro tajribalar asosida O‘zbekiston sharoitida xorijiy brendlarni jalb qilishning samarali mexanizmlari ishlab chiqiladi va ularning milliy iqtisodiyot rivojiga ta’siri baholanadi. Tadqiqot natijalari mamlakatda investitsion jozibadorlikni oshirish hamda bozor institutlarini rivojlantirish bo‘yicha ilmiy-amaliy tavsiyalarni ishlab chiqishga xizmat qiladi.