Abstract
Maqolada bo‘lajak pedagoglarning kasbiy kompetentligini rivojlantirishda soft skills ko‘nikmalarining didaktik ahamiyati nazariy-tahliliy yondashuv asosida o‘rganilgan. Tadqiqotning maqsadi kommunikatsiya, hamkorlik, tanqidiy fikrlash, kreativlik, emotsional o‘zini boshqarish va taym-menejment ko‘nikmalarini pedagogik tayyorgarlik jarayoniga integratsiya qilishning samarali mexanizmlarini aniqlashdan iborat. Tadqiqotda tizimli tahlil, qiyosiy tahlil, kontent-tahlil, pedagogik modellashtirish hamda ilmiy manbalarni umumlashtirish metodlari qo‘llanildi. Tahlil natijasida soft skills ko‘nikmalari alohida qisqa kurs sifatida emas, balki fanlar, pedagogik amaliyot, mentorlik va refleksiv baholash jarayonlari bilan uzviy bog‘langan holda rivojlantirilganda barqaror natija berishi aniqlandi. Muallif tomonidan “Ustoz–Mentor–Mahorat” modeli taklif etilib, uning kognitiv-tashkiliy, informatsion-analitik va ijtimoiy-interaktiv komponentlari asoslandi. Natijalar pedagog kadrlar tayyorlash dasturlarini kompetensiyaviy yondashuv asosida takomillashtirish uchun amaliy ahamiyatga ega.