Abstract
O‘zbek teatri va dramaturgiyasida folklor an’analarining sahnaviy transformatsiyasi haqida so‘z borganda, O‘zbekiston xalq shoiri, dramaturg Usmon Azim ijodiy merosiga alohida to‘xtalib o‘tish joiz. Muallif qaysi janrda qalam tebratmatsin — u she’riyatda (“Baxshiyona”), nasrda (“G‘oz”) yoki dramaturgiyada (“Tong otgan taraflarda”, “Alpomishning qaytishi”) bo‘lsin — xalq og‘zaki ijodining shoh asari bo‘lmish “Alpomish” dostoni motivlariga murojaat etgan. Epik dostonning shartli dramatik xarakatga ko‘chirilishi va Alpomish obrazining sahnada jonlantirilishi asarning badiiy-estetik ta’sir kuchini boyitib, tomoshabinda tahliliy va hissiylik sintezini shakllantiradi.