Abstract
Ushbu tezisda ehtimolliklar nazariyasi va matematik statistikaning iqtisodiyot ta’lim yo‘nalishlaridagi nazariy hamda amaliy ahamiyati yoritilgan. Xususan, katta sonlar qonunining mohiyati, uning iqtisodiy jarayonlarni rejalashtirish, boshqarish, bashoratlash va statistik tahlil qilishdagi o‘rni ochib berilgan. Tezisda Bernulli, Chebishev, Markov va Lyapunov kabi olimlarning ushbu yo‘nalishdagi ilmiy qarashlari keltirilib, katta sonlar qonunining tasodifiy hodisalardagi qonuniyatlarni aniqlashdagi ahamiyati asoslangan. Shuningdek, statistik aniqlik darajalari, muqarrar va mumkin bo‘lmagan hodisalar tushunchalari hamda “uch sigma” qoidasi misolida ehtimollik va statistik qonuniyatlarning amaliy qo‘llanilishi ko‘rsatib berilgan.