Abstract
Maqolada to‘qimachilik sanoatida bo‘yoq tayyorlash jarayonida komponentlarni me’yorlashtirishning tayyor bo‘yoq eritmasi sifatiga ta’siri tadqiq etilgan. An’anaviy qo‘lda dozalashtirish va takomillashtirilgan avtomatlashtirilgan dozator tizimining samaradorligi ishlab chiqarishning 10 ta partiyasi misolida taqqoslangan. Tadqiqot natijalariga ko‘ra, qo‘lda dozalashtirishda sifat ko‘rsatkichi 76–88% oralig‘ida o‘zgarib, o‘rtacha qiymat 81,0% ni tashkil etgan. Avtomatlashtirilgan dozator tizimidan foydalanilganda esa sifat ko‘rsatkichi 95–97% oralig‘ida bo‘lib, o‘rtacha 96,2% ga yetgan. Standart og‘ishning 4,1% dan 0,7% gacha kamayishi avtomatlashtirilgan tizimda jarayonning barqarorligi va takrorlanuvchanligi yuqori ekanligini ko‘rsatadi.