Abstract
Turli mamlakatlarda o‘tkazilgan klinik tadqiqotlar shuni ko‘rsatadiki, o‘pkaning bullyoz emfizemasi bilan og‘rigan bemorlarning 20–30 % ida spontan pnevmotoraks rivojlanadi. AQSh va Yevropa davlatlarida o‘tkazilgan retrospektiv tahlillarga ko‘ra, spontan pnevmotoraksning qaytalanish darajasi 30–50 % ni tashkil etadi (Light RW, AQSh, 2017; StatPearls, 2022). Buyuk Britaniyada e’lon qilingan British Thoracic Society ma’lumotlariga ko‘ra (BTS Guidelines, 2010), faqat konservativ drenaj bilan davolangan bemorlarda qaytalanish xavfi 50–70 % gacha yetadi. Shu bilan birga, jarrohlik usullari — bullektomiya va plevrodez qo‘llanilganda qaytalanish darajasi 5–10 % gacha kamayishi Fransiya va Yaponiya klinik tadqiqotlarida tasdiqlangan (VATS tadqiqotlari, 2015–2020).