Abstract
Mazkur tezisda oilaviy korxonalarda tadbirkorlik faoliyatini boshqarish samaradorligiga ta’sir etuvchi tashkiliy, insoniy, moliyaviy, innovatsion, raqamli va bozor omillari tahlil qilinadi. Andijon viloyati misolida oilaviy korxonalar sonining 2022–2024-yillardagi dinamikasi ko‘rib chiqilib, faoliyatning asosiy iqtisodiy yo‘nalishlari aniqlanadi. Tahlil oilaviy biznesda boshqaruv qarorlarining sifati tadbirkorning kompetensiyasi, mehnat resurslarini taqsimlash, moliyaviy rejalashtirish, bozor talabiga moslashish va raqamli texnologiyalardan foydalanish bilan chambarchas bog‘liqligini ko‘rsatadi. Tezis yakunida oilaviy korxonalarni boshqarish samaradorligini oshirishga qaratilgan amaliy takliflar ishlab chiqiladi.