“OVOZNI TO‘G‘RI YO‘LGA QO‘YISH” DARSLARIDA XONANDA TALABALAR BILAN MUSIQIY ASARLARDAGI TALAFFUZ VA URG‘ULAR USTIDA ISHLASH MUAMMOLARI HAMDA ULARNI BARTARAF QILISH YO‘LLARI

Abstract

Ushbu maqolada “Ovozni to‘g‘ri yo‘lga qo‘yish” darslarida xonanda talabalar bilan musiqiy asarlardagi talaffuz va urg‘ular ustida ishlash muammolari hamda ularni bartaraf qilish yo‘llari ilmiy-uslubiy jihatdan tahlil qilinadi. Artikulyatsiya va diktsiyaning ravshanligi, so‘z va kuy uyg‘unligi, musiqa va she’riy urg‘ularning moslashuvi vokal ijrochiligining badiiy hamda texnik sifati uchun muhim hisoblanadi.

Maqolada artikulyatsiya va diktsiyaning xonandalik san’atidagi o‘rni, muammolari va ularni yaxshilash usullari o‘rganilib, xonandalarning talaffuz aniq-ravshanligini oshirish bo‘yicha samarali metodlar tavsiya etiladi. Shuningdek, so‘z va kuy uyg‘unligini saqlash, musiqa frazalarida to‘g‘ri nafas olish, urg‘ularni joylashtirish va musiqiy ritmga mos talaffuz qilish bo‘yicha amaliy uslubiy tavsiyalar beriladi.

Mazkur maqola musiqa ta’limi, vokal pedagogikasi va an’anaviy xonandalik san’ati bilan shug‘ullanuvchi o‘qituvchilar, tadqiqotchilar hamda ijrochilar uchun nazariy va amaliy yo‘nalishda foydalanish mumkin bo‘lgan ilmiy-uslubiy manba bo‘lib xizmat qiladi.