TASHQI SAVDO BALANSINING MAKROIQTISODIY KO‘RSATKICHLARGA TA’SIRI

Abstract

Ushbu maqolada tashqi savdo balansining makroiqtisodiy ko‘rsatkichlarga ta’siri chuqur tahlil qilinadi. Tashqi savdo balansi — mamlakatning eksport va import o‘rtasidagi tafovutini aks ettiruvchi muhim iqtisodiy indikator bo‘lib, u iqtisodiy o‘sish, valyuta kursi, inflyatsiya, bandlik darajasi hamda fiskal barqarorlikka bevosita ta’sir ko‘rsatadi. Maqolada savdo balansi ijobiy bo‘lsa, u eksport hajmining ortishi hisobiga ichki ishlab chiqarishni faollashtirishini, natijada yalpi ichki mahsulot (YIM)ning o‘sishiga hissa qo‘shishini ko‘rsatadi. Aksincha, savdo tanqisligi iqtisodiy xavf-xatarlarni kuchaytiradi, valyutaning qadrsizlanishiga va tashqi qarz ortishiga sabab bo‘ladi. Shuningdek, maqolada tashqi savdo siyosatining mamlakat iqtisodiy barqarorligidagi o‘rni, davlatlar tomonidan qo‘llaniladigan tartibga solish mexanizmlari va bu mexanizmlarning samaradorligi muhokama qilinadi. Tadqiqot natijalari, mamlakatlar uchun barqaror savdo balansini shakllantirish yo‘lidagi strategik yondashuvlar zarurligini ko‘rsatadi. Maqola ilmiy tahlillar asosida yozilgan bo‘lib, talaba, tadqiqotchi va iqtisodiy siyosat yurituvchilar uchun foydali manba bo‘la oladi.