Abstract
Tadqiqotda davlat elektron xizmatlaridan foydalanish kompetentligining tarkibiy jihatlari tahlil qilinib, uni baholash uchun axborot-kognitiv, amaliy-operatsion, axborot-xavfsizlik hamda refleksiv-baholash mezonlari taklif etilgan. Har bir mezon bo‘yicha diagnostik indikatorlar tizimi ishlab chiqilib, kompetentlikning past, o‘rta va yuqori darajalarini aniqlash imkoniyatlari asoslangan. Taklif etilgan baholash mezonlari talabalarning davlat elektron xizmatlaridan foydalanish bo‘yicha bilim, amaliy ko‘nikma, raqamli xavfsizlik madaniyati va o‘z faoliyatini baholash qobiliyatlarini kompleks diagnostika qilishga xizmat qiladi.