Abstract
Ushbu maqolada ingliz tilidagi nisbat kategoriyasi — “Passive Voice” va “Causative” konstruktsiyalarni o‘zlashtirish jarayonida yuzaga keladigan lingvistik interferensiya hodisasi “interlanguage” va “error analysis” nazariyalari asosida keng qamrovli tahlil qilinadi. Tadqiqotning asosiy maqsadi o‘zbek tilini ona tili sifatida biluvchi o‘quvchilarning ingliz tilidagi grammatik tizimni egallash jarayonida yuzaga keladigan murakkab sintaktik, semantik va pragmatik xatolarni aniqlash, ularning kelib chiqish mexanizmlarini izohlash hamda samarali metodik yechimlarni ishlab chiqishdan iboratdir. Maqolada interlanguage nazariyasining kognitiv-lingvistik mohiyati, error analysis metodining diagnostik imkoniyatlari hamda kontrastiv lingvistika asosida ishlab chiqiladigan o‘qitish strategiyalari yoritiladi. Natijalar shuni ko‘rsatadiki, grammatik kompetensiya faqat qoidalarni yodlash orqali emas, balki til tizimining chuqur kognitiv qayta ishlanishi orqali shakllanadi.