Abstract
Ushbu maqolada rentgen foton-sanovchi kompyuter tomografiyasi (FSKT) tizimlarida kuzatiladigan detektor spektral buzilishlarining tasvir sifatiga ta’siri va ularni korreksiyalash usullari o‘rganildi. Spektral buzilishlar – piksel darajasidagi energiya siljishi, puls yig‘ilishi (pulse pile-up) va chiziqsiz javob kabi omillardan kelib chiqib, materiallarni to‘g‘ri tasniflash jarayonida xatolarga sabab bo‘ladi. Tadqiqotda energiya bo‘yicha kalibrlash, fizik modellashtirish va rekonstruksiya algoritmlariga asoslangan korreksiya yondashuvlari tahlil qilindi. Natijalar shuni ko‘rsatdiki, spektral buzilishlarni tuzatish tasvirning energiya bo‘yicha aniqligini oshiradi hamda yumshoq va qattiq to‘qimalarni differensial aniqlashda sezilarli yaxshilanishga olib keladi. Ushbu natijalar foton-sanovchi KT texnologiyasini klinik diagnostikada yanada ishonchli qo‘llash imkonini beradi.