Abstract
Ushbu maqolada Yolg‘izlik tushunchasining avvalo umumiy ma’no-mazmuni sharhlanib, psixologik va ijtimoiy nuqtai nazardan qanday qarashlar mavjud ekanligiga alohida to‘xtalingan. Shuningdek, asosan, adabiy muhitda Yolg‘izlikning motiv sifatidagi o‘rnini ochib berishga harakat qilingan.
Shu bilan birga, Yolg‘izlik adabiy motiv sifatida ko‘plab asarlarda insonning ichki kechinmalari, jamiyatdan ajralganligi, ruhiy iztiroblari yoki o‘zini anglash jarayoni bilan bog‘liq holda tasvirlanadi. Bu motiv orqali adiblar inson tabiatining chuqur qatlamlarini ochib berishga uringanlar. Yolg‘izlik aslida nafaqat ijtimoiy hodisa, balki inson ruhiyatining murakkab holatlarini ifodalovchi badiiy vosita bo‘lib, u orqali yozuvchilar o‘z davrining muammolarini, insoniy qadiyatlarni, hayot mazmunini yoritib beradilar. Tadqiqotda esa Yolg‘izlik motivi xususida alohida qarashlar bilan yoritilgan.