Abstract
Maqolada XIX asr oxiri — XX asr boshlaridagi Qo‘qon adabiy muhitining vakillaridan biri Haziniy Xo‘qandiy (1867–1923)ning hayoti va adabiy merosi tahlil qilinadi. Shoir ijodidagi diniy-ma’rifiy g‘oyalar, tasavvufiy dunyoqarash, mumtoz she’riy janrlar hamda «Bayozi Haziniy» nashrlarining o‘rni yoritiladi. Biografik va bibliografik manbalarni qiyosiy tahlil qilish asosida shoirning yozma merosini saqlash, muzey fondlarini ilmiy tavsiflash, raqamli kataloglar yaratish va ma’rifiy tadbirlar orqali tarixiy xotirani asrash imkoniyatlari ko‘rsatiladi.